Ես հիմա էլ լավ չեմ հագնվում: Իսկ առաջ ավելի վատ էի հագնվում: Խորհրդային Միությունում այնքան վատ էի հագնվում, որ ինձ նույնիսկ նախատում էին դրա համար: Հիշում եմ՝ Պուշկինի արգելոցի տնօրենը ասում էր ինձ.
— Ձեր տաբատով, ընկեր Դովլաթով, դուք խախտում եք այս տեղանքի տոնական մթնոլորտը…
Խմբագրություններում, որտեղ ես աշխատում էի, ինձնից հաճախ դժգոհում էին: Հիշում եմ՝ մի թերթի խմբագիր բողոքում էր.
— Դուք մեզ ուղղակի վարկաբեկում եք: Մենք ձեզ վստահել ենք: Ուղարկել ենք գեներալ Ֆիլոնենկոյի հուղարկավորությանը: Իսկ դուք, որքան գիտեմ, հայտնվել եք այնտեղ առանց պիջակի: (ավելին …)